今日，又再次打風……
今年第十五號颱風，又吹嚟了。
好強大的風……
搞到我原本要同小治貝食[唰唰鍋].
最後，俾爸爸一聲令下，我哋都要繙屋企食飯！
颱風，I HATE U！！！

食飽飽，坐喺梳發度……
媽咪突然之間同我講:【今日買咗樣嘢俾你呀。整好曬咖啦……】
我一頭霧水，視線跟實媽咪，點知……媽咪居然攞咗個咁嘅嘢出嚟……
我更加一頭霧水，點解會攞個鬧鐘俾我咖？
跟住，媽咪就話：【俾你繙工用咖，費時你成日都話瞓過龍呀嘛……】
小治貝喺隔離又開口：【鬧鐘？邊叫得醒佢咖……
手提電話都叫唔醒啦……何況鬧鐘……】
我更加無言……
之後我妹，彈咗句：【成家人，家姐係最爛瞓咖啦……】
我……十分無言……

駛唔駛一個二個都咁講我……
我又唔係真係咁爛瞓……只不過係唔想咁早起身啫嘛……
55555555……邊個可以還繙個清白俾我？
我唔要做一世爛瞓豬呀！！！