10月21日 星期日 尋日去左"紙觀賞 賞紙棺"展覽。d紙棺又真係好靚wor，特別係西式o個d。 我自己就對呢樣野冇咩忌諱o既~ 有時都會諗下自己死後想點樣安排，然後講俾身邊o既朋友知。所以今次呢個展覽我覺得好有趣，可以好輕鬆去睇下，去模下d棺材。無丫，人始終會有一次，早d plan定，無壞呀。 選擇尋日去o既原因係因為想聽夢特嬌‧全個座談會。其實我都唔知佢個section係幾點開始。不過好好彩我去個時間正正係佢個section。當中主持問佢會設計一個點樣o既棺俾佢爸爸，好感動。另外我好記得佢講過呢句說話："應承左自己o既就要去做，唔好俾藉口自己"。唔。 平時聽開o既大野先生與滴滴仔，尋日都企左o係身邊，個感覺好得意。加油呀全！阿全o既畫好簡單，個感覺好灰色，有一點點o既孤獨，佢d畫俾到我幻想空間，好喜歡。 anyway，希望你健健康康！^^ ps：偶像隻腳仔要快d好返呀！！！
Less