真係好正好正好正!!!!!!!好鬼好聽,呀詩同呀mi把聲某d地方真係好似,差d分唔到。好想快d有cd version聽。 呀詩睇報紙睇得好認真,haha好搞野,睇到幅相無耐就見到右上角的呀詩,咁都咁岩影埋,勁!呀詩唔化妝都咁靚,同埋自然d,好似睇落個距離會近d咁,都係鐘意素顏的呀詩。講真真係少見呀詩著粉紅色衫,就咁睇呢張相我覺得襯得幾好睇,呀詩個樣好友善,ha,點睇呢粒菇都係粒好菇,好靚的菇! 東華表演,出場果陣好型,哇,睇果陣有度呀詩望一望鏡頭簡直殺死人,hahaha!最頭呀詩好嘆咁,後面有人幫佢按摩,不過係第一節就出現有d黎唔切反應,maybe遲左一秒先知播緊佢。除左出場果陣型打果陣緊係勁型,雖然唔係球球中但都好勁,真係一路睇一路好想呀詩入呀入。不過都係覺得呀詩post係blog度果段片呀詩打得勁d,果下轉身射門真係好型,好嘆為觀止,最厲害係呀詩一講死角,一射,真係死角囉,超勁! hahahahahahaha,呀詩真係多才多藝,咁好野都識。
Less

呀詩一定盡眼訓,咁多日無訓真係慘。香港人的工作真係繁忙。講起訓覺,今日尾二果堂中史真係好似恰著左咁,我自己都唔知係米訓左.....成堂好似無聽過書咁,不過好彩呀sir都唔係講左好多,之後果堂就好d。 今日真係趕頭趕命,陪完xx去搏攞出閘專用飛之後去郵局,咁鬼死多人比起之前幾次....等到差唔多5點。銀行5點閂,行去渣打,去到都差一兩分鐘5點........估唔到真係做得切呢兩樣野.... 超開心,可能係1/12無得去睇之後睇到同學們post的相,呀詩又型又可愛,搞到我之後果日11點幾訓覺發夢,時間雖然唔岩但夢入面我係認為果陣係個show完左之後,詳情唔打啦,自己個blog打左二千字。提下啦不過,呢個夢本來最深刻係咩啦,之後發發下又再深刻d,所以成個夢最深刻係極為聰明的我唸到自己咁幸福會唔會係發夢,於是問呀詩,呀詩無答我不過奸笑住抿住我塊臉狂搓左幾下,feel到痛痛地,之後我就信人地話會痛唔係發夢咁繼續幸福。不過過多無耐就突然醒得好澈底,一醒無思考過個腦就飛左句果然係發夢出黎,好似答番自己係夢入面問條問題咁。果陣1點左右,雖然好似得大約一個鐘訓覺,但真係好長好長咁,耐過之前果d夢。 岩岩播番隻roundup聽到我找到了,突然覺得而家呀詩唱番會唔同d把聲......之前唔覺。 呀詩笑死我,最鐘意佢咁低b,好鬼得意ar!!!!! 雖然我覺得我今晚唔會又夢到呀詩,不過都希望左先啦。希望我發夢,發夢夢到呀詩。(用左頂真"")
Less

平時呀詩都已經又低b又吉吉架啦,醉左盡要醉得咁吉吉,haha.師兄就真係慘左d既....六叔三太公.....鬼死咁吉吉! 上個禮拜五買左本U,特登買多盒飯要個公仔萬字夾,一隻藍菇。之後去左KFC坐,食下雞,未食之前睇,呀詩真係靚,又型。望多幾眼先食雞,ka. 呀vic姐post的連環圖真係好笑,本來又幾有feel,竟然對望就笑,不過想當年中一果陣都係咁,個fd望到我就笑我望到佢又忍唔住笑,不過我應該你因為佢成日望到我就笑搞到我見到佢就笑........其實唔係咁鐘意咁,因為好煩。 朋友,點解呀詩有咁多個可以做一世的朋友,可能唔只因為佢好彩,其實係佢地都係重視友誼的人,要維持、肯維持應該唔係難事,只係有無心有無力有無動。忽然覺得有個一世的朋友真係幾好,到大家都大左,成熟左可以一齊回味下從前的回憶,果種感情真係好難得。真係稱得上"老友鬼鬼"的先係最罕有,朋友你肯周街都有,永遠的朋友你肯都無人騷。對我黎講可能係咁啦,加上以我的能力我唔會搵到朋友,當有fd話唔會個個都升到上中六,又有fd話過有14分去細佬間學校讀,我就發現,如果呢一日黎到,以後的日子係米好似小學咁過呢,甚至、好大可能係盡差。 我的朋友緣總是不大,不知是何時被不知什麼傷害性的說話影響而建起了一堵牆,就連自己也不發現,也因此不懂與陌生的人熟絡,就在那個時候產生了一個想法,I'm alone but I'm not lonely.彷彿這種意識是只有自己我還快樂。升中後認識了幾個朋友而改變了現在卻又再動搖了。
Less

岩岩係另一部腦上菇blog,明明都未見有update到,唸住訓就熄左機。但鋻於今日想打番篇blog,所以走左落去用而家呢部開住的電腦。誰知有上菇blog先的習慣的我一上去就見到呀詩已經update左個blog,盡要係1點12.... 另外,今日sport day,我放lunch果陣係7仔揭本tvb周刊搵呀詩果頁出黎,真係好快俾我揭到,明明呀詩好靚女,之後個fd係度話果度果幾個都無個靚,果陣都有d嬲。後黎番番去運動場果陣我係咁二唱左木紋的chorus姐,都未唱完佢就話咦~我唔想聽佢d歌。火起....當然我無為呢d咁有品咁識尊重人的人而打佢或者話佢,不過果刻係禁"矮"左佢,事閞佢話我唔夠佢高姐。 今日攞左個銀牌,相信無左隻鞋可能有金都唔定。另外今日係呢間學校第四年第一次跑接力,盡要係社際,彎路實在好玩。勁down的係標槍,平時標得好好地的竟然係今日標左好多次死槍....之前一次都無試過,大失水準非常不甘心,可惜已成事實。 呢個東方伸唎實在好好笑,不過影得呀詩好型,無計,呀詩真係咁型嘛!
Less

型唔係任何性別的專利,睇下呀詩咁型呀二五兄咁眼kingking就知啦。 社會上的尺度實在太狹窄。唔講d無聊野。 呀詩對眼好似好假咁,呀二五兄好搞野,呆滯到丫,唔知二五兄有咩煩惱@.@。見到第二張相的服裝姐姐好兇咁,有d驚添...呀詩無論點影相都有種好特別的感覺,唔似得d....呢個應該就係我鐘意呀詩的其中一個原因。 話時話,呀詩個替身好似瘦得濟,著起件衫怪怪地,都係呀詩型好多!yeah!
Less

從來都無聽過學校有人或者朋友播過呀詩d歌,但上次音樂會傾計果陣知道個fd原來以前勞斯萊斯plug緊果時成日聽,就已經好開心。前日盡被我聽到有個隔離班的男仔播木紋,好hapi! 事緣果日考完中文考生物,我呢d文科生緊係唔洗考,無奈選修電腦,而電腦係生物之後先考,生物考一粒鐘加埋前後俾的溫書時間成兩個鐘有多.......其他唔洗考果兩科的真係開心,九點幾未到十點就放得學......飲個早茶都盡得。 之後miss安排左我地去402室溫書,溫左無奈見到個男仔用緊電腦,見住佢上yahoo music,係度唸會唔會播呀詩d歌呢,點知我就聽到:「如果 一手据開枯樹.....」爆開心,可惜聽聽下走廊d人嘈住哂.....完全聽唔到,最後都唔知播到去邊.....唉。 前日都係菇爹生日,HA,估唔到呀詩會著到咁,正,菇爹團好有排場。菇爹更不在話下,型到!真係好難得果代的長輩咁型。菇母真係睇落幾後生,又高貴又靚。呀詩好靚女,YEAH!
Less

06年的10月26-28,呀詩開佢第一次的紅館個人演唱會live in unity,呢個咁有意義的日子參與唔到真係好遺憾。到左07年的呢幾日,雖然自己無參與過,但都決定係呢個日紀念日著光明tee,聽到我一定要戴埋頂光明帽去學結他,雖然果陣係夜晚7點....同埋,我呢幾日會壓制自己發嬲。 今日無野做,訓左好多好多個鐘,應該夾埋都有十幾個鐘。 呀詩褸住件黃色野著住件黃色衫加埋個表情眼神真係好靚呀!靚到暈! 菇母同菇仔一個坐東一個坐西,兩個都戴副眼鏡係頭頂又一樣咁攞住份旅遊指南咁的野睇,不過菇仔唔夠菇母坐得斯文,ha。 好想好似菇佢地咁高呀!高睇起黎先好睇嘛.... 最尾菇母同菇仔係公園仔果張影到菇仔好矮,好似個細路仔!ha!不過我有d懷疑如果佢真係好似呢張相影到咁矮.其實係米姐係同我差唔多呢....菇家個個d高度都差唔多,真係好羨慕,唔係太高又唔係矮。 點都講唔到一個唔愛呀詩的理由,呀詩真係咩都咁好。 光明日萬歲!ha!好低b。
Less

真係好得意姐!!!!好鐘意呢張相~見到佢咁開心真係好開心,笑的確可以傳染。之前呀詩扭傷隻腳,係菇blog見到佢個樣雖然好痛苦但都唔知笑唔笑好,去埋goomusic個blog真係唔笑唔得,人痛佢痛得咁好笑,真係好高音呀d尖叫,超搞野,搞到我好似幸災樂禍咁。盡要高完又變番低音,ha。 呀詩個加拿大朋友比我想像中的差好遠,我一直以為佢好瘦,點知...不過外國人係咁好正常。唔知如果接機果陣呀詩之前係無俾過佢而家的相俾佢睇,會唔會真係認唔到呢,好想知,ka。 見呀詩要打地鋪搞到我都好想打,唔知點解我鐘意打地鋪多d,但係而家因為驚有多腳爬爬果d都已經唔係好敢打,不過我又真係盡鐘意架。 同埋係菇校最近睇到有關吹口哨果d,見到菇徒們係度講先發現原來自己唔識吸氣果陣有聲,而家都盡係未吸得番,好慘呀!明明以前我識架...盡覺得好容易添,而家竟然吸唔番....吹同以往差唔多,唔係好夠氣同穩。 今日番屋企果陣攞左份頭條,yeah!果然有呀詩。總共屋企有三份,不過我淨係cut左我自己果份。遲下cut埋佢先。之後五點幾特登出去對面加洲七仔買報紙,有成幾份太陽報,正,幾驚無太陽。未俾錢前睇左好多眼,有半版。買左之後都特登唔摺埋佢,廢事佢留下傷疤。
Less

琴日,我終於聽到啦,聽到個同我唔係好熟的人同我講何韻詩唱歌係幾好既,雖然可能係我個fd無啦啦同佢講我IDOL係何韻詩,(佢真係講IDOL架,haha因為我個名)搞到佢唔知點回應就話幾好,不過我都對呀詩有信心的,問心我超覺好好,哈哈哈! 今日番到屋企好累唔想做野,於是播what really matters,由幽默感開始,咁我就訓左係張床用張被半笠住個頭,我唸我係未完幽默感已經訓著左,到我醒番就播緊勞斯萊斯。自從what really matters出左之後我都唔係好聽番之前d歌,唔係厭左而係唔知點解淨係想聽what really matters d歌。呀詩唱的歌真係好好聽,無論係以前定而家都係,唔知點解我聽到勞斯萊斯就會覺得個feel唔同what really matters入面果d歌,可能真係刻劃住唔同階段的呀詩啦,每個階段都令人回味。 P.S今日又有隻死係我腳下/手下的曱甴,但今次我個角色只係一個鄶子手。
Less

呀詩真係得,咩look都咁好睇,型又得英又得帥又得靚盡得正勁得,唔差在加埋個索。又鬼死咁得意。又高又瘦又......講唔完。呀詩真係好幸福,有咁好的菇爹菇母何丙,好多人想擁有的佢都擁有,好羨慕。 只看著你的臉已可消磨一整天。若聽著你的歌已可愛上一萬年。 你個名菇爹菇母改得真係好。
Less

見到菇做d咁有意義的野,個心雖然無感受到暖左下(鬼叫我唔係咁易感動的人),但起碼叫做"光"左一下。菇仔對converse沾滿泥土,報銷左。 我第一次用自己的錢黎捐錢係為左菇仔,因為菇仔佢叫我地如果要送生日禮物俾佢就要一係送自己睇完的書或者捐錢,捐錢想佢知的就留番張收據俾佢。一向都唔鐘意睇書的我緊係簡左捐錢,因為唔係好有錢的關係捐左$50,因為五十五十姐係五月十,呀詩的生日!ha!講真呀..以前xx叫我捐錢捐$10我都打死唔捐,覺得哂錢。不過我而家唔會啦,因為俾呀詩影響左。yeah! 26號趕路,係天橋見到有人賣旗,佢有叫我捐,但因為我行得快...結果無停下步伐,但其實我係有d想捐.....所以呢,下次見到我一定捐架!記得我細個果陣係好鐘意入d錢落去個賣旗袋。 題外話啦,點解d曱甴咁鐘意係我訓前幾十分鐘出現.......今次我戰敗左,被佢走甩左,不過呢隻曱甴只要用燈照住佢佢就會覺得有危險慢慢走開,所以都幾容易令佢走到我想佢走的地方。其實係開戰無耐我用報紙係拍中佢,不過可能報紙唔夠厚,我隻手指feel到佢...好恐怖...所以即刻放開左,咁佢就走左去第二度,之後的戰情就唔講啦。機密。
Less

有仇不報非君子。你不仁我不義。 上次你咁樣踐踏我的what really matters歌詞本,加上係菇校長的野,你的罪孽無可能得到特赦。上次一事之後,我講過以後唔再驚曱甴,俾我見到你要鞭打你廿下,今雲你又係我番黎的時候走左出黎,我雖然都驚左一兩秒,但一唸起我講過的野,我決心要打瓜你......係xx的協助下封殺左你的有利位置,最後都俾我拍中你個屁......"" 無論上次係你唔係你,我都要殲滅你,攞左張報紙摺成棒狀打左你幾十下,我自己都唔記得數。雖然你的腦汁汁液都沾滿了地,但我盡未下到啖氣,好似打小人咁打死你,不過事實上你就係"小人"。你無論生死都係咁噁心,真係服左你。 曱甴兄,就此永別了。但我知千千萬萬個"你"會黎,咁到時我只好全力衝迎面上,唔好怪我啦。 題外話,為免大家一入黎就見到隻曱甴,所以放左表情配合呢篇野的菇校長的相係面。最尾果張就...係囉,睇下上面菇仔幾靚!
Less

唉也,九點五十四分唸住訓陣搭半起身,印象中起左一次想訓多陣,之後一訓就訓到六點嶺,平時都六點五十幾分起身啦,得番唔夠一個鐘俾我上菇blog同菇校........實唔夠架........而家都五十三分lu......... 又去左睇果個咩係簽名會同阿菇講左d咩,睇見人地同呀菇影相影唔到豬咀影左嗡鼻,搞到我愈來愈想影,如果我有錢實自己買部高質素相機,for我d低質素攝影技術,愈黎愈覺得好唔抵啦,都係呀xx啦,個個禮拜問佢有無相機,就係唔識do,係米應該會帶部野番黎呀,唉......百年難得機會無左......睇住佢無.......我都係放唔低呢件事。 唉,我係時候閃人啦,睇多一兩分鐘菇blog同菇校先。
Less

而家的我愛何韻詩,因為佢係粒低b菇。我做的每一樣野,身邊包圍我的,我所著緊的全都係何韻詩。呢個咁的我係係06年11月開始催化而成,我100%係流住菇所散發出黎的毒。因為呢d毒因為呢粒菇,我肯定我未來的人生因而改變左。 以前的我,玩玩玩玩玩玩玩玩。日日都玩玩玩玩玩玩玩玩玩。係遊戲中認識朋友,當然只有ro裡認識的是真正的維持到一段很長很長的時間,佢地都無忘記我,我都無忘記佢地,今日我特登on番即時通,想話碰下運氣睇下有成年幾兩年甚至更耐無聯絡的佢地盡有無on,點知上到去一個人都見唔到,但係8月17日佢離線留言,見到個留言真係感覺到好窩心,我已經咁耐咁耐無上過線,就連知唔知我會唔會見到都留言問下我最近過得好唔好、同我講蠻懷念我開的私服,好感動,真係好感動,無唸過佢地仍會主動嘗試聯絡我。 我無忘記你地你地你地陪我成長,會長、天心、水靈、靜子、玥、咖啡、果漾...... 我們的回憶都在我的心中,不論是RO正服還是私服裡認識的,都是我的一班台灣的好朋友。 以前盡有另一方面的我,今日因為小說村有e-mail sd黎話有短訊息所以好奇暗左入去,禁下禁下見番以前作的低水準小說,未完的,但係全部都俾我暫停哂,一暫停就暫停了好多年,ha。最估唔到竟然係本周點閱數度唔係0。 好啦,差唔多lu,都算"概括"咁講左唔同時段的我,咁其實我真係無咩咩時段的,主要只係分左兩個時段。當然,我最愛的係現在的我!因為現在的我有菇仔做我高質素的偶像,真係好自豪,我永遠都會做高質素的菇徒。 yeah!!!!!
Less

今日好開心~!!!! 本來我好白痴咁去錯左地方,去左奧海城,好彩有x同學仔話我知係海港城。 我飛快咁行行行趕去搭車,終於係12點過少少行到海港城,去到目的地海運大廈係12點兩三個字,係個場度兜左兩圈,發現要去可以叫做岸的地方排隊。 哇,一條龍過鬼死咁多人,而我係第212個。 呀詩從上而下,講完野盡要訪問,等左好耐先簽名。 到我真係買左隻碟的時候,我又拆唔到,最後係頂果度發現爆開左,都好彩,唔係就唔知點算。 上到去見到呀詩簽完會望上黎碌大隻眼,好好笑,我特登望住佢望上黎先走,haha,不過果刻我又係無左印象,愈唔想忘記就會忘記。 簽完望番佢個簽名,好靚!!!haha!!! 最印象深刻係佢寫完個K字兀前望左望先寫Hui,ha~ 不過見住個個都有相機影合照,真係好傷心,總之唔試下相信x會帶部相機番黎啦。 而家睇番就唸總之加番個-,因為咁樣好似好睇d,不過都好睇,呀詩寫架嘛!!!yeah!!!
Less

hihihi 用左個幾鐘,終於搞左少少版面的野, 一睇就知係跟左好多hall1C blog的格局既~ka。 唔好話我專登啦,maybe係我都覺得咁樣放幾好, 係米先?係米先?係米先? 開呢個blog預左一樣無咩人睇, 但我都唔會唔理肯俾面黎的人, 咁所以呢,當我得閒,搞掂哂或者唔洗搞另外果3個blog的話, 我都會黎update下~!yeah! 放心wor,呢個blog唔會同其他的blog一樣, 而且我決定呢個blog要跟隨菇校長的寫法, 言簡意賅,唔會好似其他blog咁長篇大論, 狂up我唔up對唔住自己的廢話。 既然要簡而精,我唸我都係唔好打落去啦, 唔係又變到好似其他blog咁。 講埋最後一句。 I love Hogoo~!!!!haha~!!! byebyebye
Less