記得有次開六合彩前,
想像如果真係中左會點.
哈哈...相信好多人都會咁諗...
可惜唔知會唔會係我諗得太深入,
諗到好多問題出黎.
原來錢多都唔一定係好事!
最後當然唔中,仲真係講左句"wa...好彩唔中!"
之後都冇真係起心買,
因為中左真係會好煩.

原來好多物質上既野都係,
有...唔代表好,唔代表就會開心,
亦都見過好多人擁有好多,
但係根本唔開心.
呢d人可能會覺得自己慘,
但係其實佢地唔發覺佢地最需要既,
一早已經o係身邊.....
亦唔珍惜.

我好開心,
呢排冇咩開心事發生過,
一切都好平常,
甚至每日一樣既生活簡直有d悶,
但係都係好開心...
我諗係因為我珍惜我已經有既,
而且開始明白點樣做人.