自從過左黎美國,
失去好多...同時又賺到好多...
失去...係同家人朋友一齊既時間..
賺到既係對事既經驗;
唔同既新經歷,新睇法.

以前我係一心黎讀好d書,
目標係錢.....
我曾經講過做咩工都得只要有錢就得!
..........原來我係咁膚淺.
年半所經歷過既事,
多次靜心咁思想,
終於我改變左...

今日我可以放棄錢,
甚至可以放棄一份我好鐘意既工...
為既..係我一定要12月返澳門...
我已經冇左4年同屋企人一齊既時間...
如果冇親人冇朋友..冇感情..
我仲要錢黎做乜?!
現在既我...家,一定係第一位.
i luv my family.

可惜身邊有好多人黎左都有一段時間,
但佢地得到既野令佢地覺得錢係一切.
點解會咁??
唔通係我錯?
佢地對家人冇感情,
佢地要返工都唔返去見屋企人..
佢地要做一d搵到錢而冇用既工..
為既係要狂買野,要買名牌...
佢地甚至咩野都買..買返黎擺埋一邊..
野食野飲擺到壞...都仲買緊.
朋友....只需要一兩個...
有錢就係朋友.
其實咁樣做人．．真係有意思嗎?!
講真我覺得佢地做人做得好辛苦...
內心係空既...冇人,冇愛...
生活更加係為左錢..
被死物控制...
更加可以為左一d身外物令自己尊嚴都冇...
自己都唔尊重自己....

我對高薪厚職興趣不大..
因為原來工作開心...先係最緊要..
我冇理由為錢而要令自己每日返工都好似受死咁...
我要既係屋企人,
我要既係令自己真正開心既生活..
我唔要為死物而生活...
我唔要到死o個日..
先發覺我冇野可以帶走...
我要帶走既．．係回憶.
我要帶走既．．係愛.


期待12月返澳門..
我既屋企人..
我d真正既朋友..
還有說會等我的人...
...3個月...請耐心等候.